Prisen som Årets Bedrift i Giske vart delt ut for 3. gong i eit samarbeid mellom kommune og Giske næringslag ved Giske kommunestyre sitt møte 22. Mars. Tidlegare vinnarar er Valumin AS (2009) og Offshore Trawl Supply AS (OTS) (2008).

Juryen har drøfta eit ti-tals kandidatar og slutta seg einstemmig til prisvinnaren, reiarlaget Veidar AS, som med sin nye autolinebåt M/S Veidar 1 frå Geilevika på Godøya vart heidra som Årets Bedrift 2010 i Giske kommune. M/S Veidar 1 er ei nysatsing for reiarlaget som investerte om lag 95 mill kr i nytt fartøy i fjor - det er lenge sidan nokon bedrift i Giske har satsa så mykje!

Prisen var i år eit kunstverk av Godøy-kunstnaren Ann Katrin Alnes kalla "Vær og vind" . Saman med eit diplom vart prisen delt ut av varaordførar Odd Egil Valderhaug og jurymedlem Marit A. Røyset  til reiarlaget sin representant Torfinn Ulla.